Уступ
Уступ
Асновай адраджэння нацыянальнай спадчыны з’яўляецца краязнаўства, ў развіцці і вывучэнні якога важная роля належыць бібліятэцы. На сённяшні дзень бадай толькі бібліятэка здольна сабраць найбольш поўную інфармацыю аб родным краі, яго людзях і перадаць яе нашчадкам.
Мсціслаўшчына – край непаўторны і ўнікальны. Ён мае сваю шматгадовую гісторыю. І гэтую гісторыю разам са сваім краем пішуць людзі. Мы ганарымся сваёй маленькай Радзімай, сваімі вядомымі землякамі, што пакінулі значны след у гісторыі Мсціслаўшчыны ці праславілі яе за межамі нашай краіны.
Малая радзіма – край нашых продкаў, край працавітых людзей. Што мы ведаем пра сваё мінулае, пра гісторыю родных мясцін? Што мы можам сказаць пра навакольныя ўрочышчы, адкуль у іх тая ці іншая назва? А між тым, у кожнай вёсцы, як і ў чалавека, ёсць свая біяграфія: сваё нараджэнне, свае боль і смутак, гора і радасць. Сваю гісторыю трэба ведаць і шанаваць.
“…Каб любіць Мсціслаўшчыну родную, трэба ведаць вытокі свае.” Цэнтральнай бібліятэкай падрыхтавана база даных “З гісторыі населенных пунктаў Мсціслаўскага раёна”, якая дапаможа чытачам, карыстальнікам пашырыць свае веды пра родны край, пазнаёміцца з яго гісторыяй, яго славутымі землякамі, літаратурным краязнаўствам, культурнай спадчынай, пакіне ў кожнага след у душы – гонар за сваю малую радзіму.
Галоўнай мэтай нашай бібліятэкі заўсёды была і будзе заставацца прапаганда ведаў пра наш родны край, таму, кожны чытач, каму цікава гэта тэма, зможа пачэрпнуць шмат новага са старонак мясцовай газеты “Святло Кастрычніка”, якая знаходзіцца ў бібліятэцы з 1970 года..
Пра гісторыю вёсак Мсціслаўскага раёна напісана шмат. У базе данных прадстаўлена 166 назваў вёсак. Матэрыял размешчаны ў парадку алфавіту вёсак раёна. Аб кожнай вёсцы даецца гістарычная даведка, невялікае апісанне, спіс крыніц.
Усяго 477 бібліяграфічных запісаў.
База данных уключае літаратуру пераважна з краязнаўчага, алфавітнага каталога раённай цэнтральнай бібліятэкі. У базе данных адлюстраваны кнігі, асобныя раздзелы з іх, артыкулы са зборнікаў, матэрыялы з часопісаў і газет на беларускай і рускай мовах.
База данных будзе садзейнічаць забеспячэнню больш шырокіх ведаў пра каштоўнасць спадчыны роднага краю, яе зберажэнню і папулярызацыі.
Вывучэнне гісторыі свайго краю, пошукавая дзейнасць дапамагае адкрываць невядомыя старонкі мінулага, ўзбагачае ведамі аб роднай старонцы. Работа ў гэтым напрамку працягваецца. Усёй сваёй дзейнасцю бібліятэкары імкнуцца падтрымліваць і развіваць у чытачоў цікавасць да лёсу сваёй Бацькаўшчыны, да людзей, да сучаснасці.
Праца прызначаецца для гісторыкаў, краязнаўцаў, супрацоўнікаў музеяў і ўсіх, хто цікавіцца гісторыяй роднага краю і алказнасці за будучае.
А Б В Г Д Ж З I |
К Л М Н П
|
Р С Т У Х Ц Ч Ш Ю Я |