Цёплая і душэўная выстава рукадзелля ў Лютнянскай сельскай бібліятэцы-клубе-філіяле

У рамках Года жанчыны і традыцыйнага праекта «Кожная пятніца — родная сваё» у Лютнянскай сельскай бібліятэцы-клубе-філіяле прайшла цёплая і душэўная выстава рукадзелля, якая аб’яднала творчасць, жаночую мудрасць і павагу да народных традыцый.
Галоўнымі гераінямі мерапрыемства сталі нашы таленавітыя майстрыцы — Касьянова Ірына Іванаўна і Барсукова Алла Сяргееўна.
Іх работы — гэта сапраўдныя перліны ручной творчасці: вязанныя вырабы, арыгінальныя сумачкі, кветкі і дэкаратыўныя кампазіцыі з пластыку, падзелкі з бутэлек і іншыя непаўторныя рэчы, у якіх адчуваецца цеплыня рук і шчырасць душы.
Выстава стала месцам, дзе кожны мог дакрануцца да прыгажосці, створанай з самых простых матэрыялаў, пагутарыць з майстрыцамі, даведацца пра іх тэхнікі, ідэі і натхненне. Атмасфера мерапрыемства была напоўнена павагай да жаночай працы, творчага імкнення і ўмення бачыць прыгожае ў штодзённым.
Такія сустрэчы сталі добрай традыцыяй. «Кожная пятніца — родная сваё» — гэта не проста праект, а жывая супольнасць, дзе жанчыны могуць раскрыць свой талент, падзяліцца вопытам і атрымаць падтрымку. У Год жанчыны гэта асабліва важна, бо менавіта жанчына з’яўляецца захавальніцай хатняга агменю, носьбіткай культуры і душой нашай вёскі.